NESPRESSO Í SAMSTARFI VIÐ KAFFIBÆNDUR

Loftslagsbreytingar og sveiflur á mörkuðum skapa mikla óvissu fyrir kaffibændur og ógna lífsviðurværi þeirra. Árið 2003 kom Nespresso á fót áætlun um kaffiöflun, í samstarfi við Rainforest Alliance, með það að markmiði að byggja upp traust og langtímasambönd við kaffibændur. Í dag heitir hún Nespresso Sustainable Quality Plan.

Áætlunin hefur tvö meginmarkmið: að tryggja hágæðakaffi sem ræktað er á ábyrgan hátt og að styrkja viðnámsþrótt bænda og samfélaga þeirra. Í dag taka yfir 131.000 bændur þátt í áætluninni og um 91% af kaffinu sem Nespresso kaupir kemur í gegnum hana.¹

Bændur fá einstaklingsmiðaða þjálfun og tæknilega ráðgjöf frá 738 sérfræðingum á vettvangi, þar á meðal búfræðingum. Áhersla er lögð á endurnýjandi landbúnað, svo sem trjárækt samhliða kaffiræktun og verndun jarðvegs. Bændur fá einnig greitt gæðaálag fyrir kaffi sem uppfyllir gæðakröfur Nespresso.

Í gegnum áætlunina styðjum við jafnframt verkefni sem auka félagslegt og fjárhagslegt öryggi bænda, til dæmis eftirlaunasparnað og uppskerutryggingar í Kólumbíu og Indónesíu í samstarfi við Fairtrade, auk aðgangs að hreinu drykkjarvatni og heilbrigðisþjónustu.

Vinnuaðstæður og mannréttindi í virðiskeðjunni eru metin af óháðum aðila, Fair Labor Association (FLA), sem hefur lokið mati í 17 löndum.¹

Vissir þú…?

• að 98% af kaffikaupum Nespresso eru á eða yfir lágmarksverði Fairtrade?¹
• að konur gegna um 39% stöðugilda sérfræðinga Nespresso á vettvangi?¹
• að yfir 37.000 manns njóta góðs af verkefnum um hreint drykkjarvatn, heilbrigðisþjónustu og fæðuöryggi?¹

¹ Heimild: Nespresso, The Positive Cup

Samkvæmt International Coffee Organization (ICO)¹ leggja konur mikið af mörkum til alþjóðlega kaffigeirans. Þótt hlutverk þeirra í kaffiframleiðslu sé mikilvægt hafa konur minni aðgang en karlar að auðlindum á borð við land, fjármagn og upplýsingar. Kynjabilið er ekki aðeins konum í óhag heldur dregur það einnig úr framleiðni búa og velferð heimila.

Frá árinu 2017 hefur Nespresso unnið eftir sérstakri jafnréttisstefnu innan Nespresso Sustainable Quality Plan. Áherslan er á að efla stöðu kvenna, bæði félagslega og efnahagslega, og á að breyta viðhorfum og venjum sem halla á konur. Meðal verkefna eru leiðtogaþjálfun kvenna, fræðsla um fjármál og næringu heimila, og umræðuhópar fyrir bæði karla og konur.²

¹ Heimild: ICO
² Heimild: Nespresso, The Positive Cup

Markmið Nespresso er að Nespresso Sustainable Quality Plan nái jafnt til karla og kvenna og gagnist báðum. Frá árinu 2017 hefur Nespresso unnið eftir sérstakri jafnréttisstefnu innan áætlunarinnar, með áherslu á að efla stöðu kvenna félagslega og efnahagslega og að breyta viðhorfum og venjum sem halla á konur.

Til að styðja þessa vinnu þróaði Nespresso aðferðafræði til að greina stöðu kynjanna á kaffibúum, svo tryggja megi að konur komi að ákvörðunum og fái aðgang að þeim úrræðum sem þær þurfa. Aðferðin var prófuð á þremur ræktunarsvæðum, í Aceh í Indónesíu, Fraijanes í Gvatemala og Sidamo í Eþíópíu, og yfirfarin af sérfræðingum í jafnréttis- og landbúnaðarmálum.

Meðal verkefna í dag eru leiðtogaþjálfun kvenna, fræðsla um fjármál og næringu heimila, og umræðuhópar fyrir bæði karla og konur. Konur gegna nú um 39% stöðugilda sérfræðinga Nespresso á vettvangi.¹

¹ Heimild: Nespresso, The Positive Cup