Annað framtak Nespresso er að bjóða nú tryggingar fyrir uppskeru smárra kaffibænda. Þessu verkefni var fyrst hleypt af stokkunum í Kólumbíu árið 2018 ásamt Fairtrade og Blue Marble Microinsurance. 

Áður fyrr gátu tryggingarfélög ekki boðið smábændum í afskekktum sveitum að kaupa viðeigandi tryggingar vegna þess að staðsetning þeirra og stærð gerði það að verkum að erfitt var að sannreyna tjón.

Kerfið sem Nespresso og Blue Marble hafa þróað notar gervihnattatækni og veðurspár fyrri ára til að meta tjón á uppskerunni vegna óveðurs. Kerfið greiðir þá sjálfkrafa bætur án þess að matsmaður þurfi að mæta á staðinn. Þessi lausn er ódýrari, auðveldari og skilvirkari, það er því í fyrsta skipti hagkvæmt að bjóða þessum smábændum að fá sér tryggingar.